Mogherini: Kriza arabe mund të zgjidhet me bisedime direkte

Shefja e diplomacisë evropiane, ka kërkuar zgjidhjen e krizës në marrëdhëniet mes vendeve arabe me anë të dialogut të drejtpërdrejtë.

Shefja e diplomacisë evropiane, dje ka shkuar në Kuvajt në përpjekje për zgjidhjen e krizës mes vendeve anëtare të Këshillit të Bashkëpunimit të Gjirit Persik. Gjatë vizitës në Kuvajt, Federika Mogherini u takua me disa autoritete të Kuvajtit. Shefja e diplomacisë evropiane ka shprehur mbështetjen e BE për përpjekjet e Kuvajtit në zgjidhjen e krizës mes vendeve arabe. Emiri i Kuvajtit ka thënë se ka për qëllim të ndërmjetësojë në zgjidhjen e mosmarrëveshjeve midis Katarit dhe disa vendeve arabe. Mirëpo ministri këshilltar për punë të jashtme të Emirateve të Bashkuara Arabe, pretendoi se përpjekjet e Kuvajtit për të ndërmjetësuar në zgjidhjen e krizës arabe, nuk do të sjellin rezultat pa ndryshimin e qasjes politike të Katarit. Vlen të theksohet se vendet arabe kanë ndërprerë marrëdhëniet dhe kanë vendosur sanksione kundër Katarit prej 5 qershorit 2017.