Britania i dërgon notë proteste Surinamit për shkak të Kosovës

Shefi i diplomacisë serbe, Ivica Daçiq, deklaroi se Britania e Madhe i ka dërguar notë proteste Surinamit pasi ky shtet “tërhoqi vendimin për njohjen e Kosovës”.

“Pavarësisht se disa vende të mëdha thonë se janë miqtë tanë, më duhet të them se njëra nga këto shtete, Britania e Madhe, i ka dërguar notë proteste Surinamit pas tërheqjes së njohjes për Kosovën”, tha Daçiq për mediat në Beograd. Ministri Daçiq theksoi se një vendim i tillë i Surinamit është një shenjë e miqësisë dhe pa dyshim do të kontribuojë në marrëdhënie më të ngushta dhe në forcimin e bashkëpunimit midis Serbisë dhe Surinamit.