Presidenti Meta: Mbetet sfidë integrimi në BE

Presidenti i Shqipërisë, Ilir Meta ka përshëndetur sot në Shkodër, 60-vjetorin e Universitetit “Luigj Gurakuqi”.

Në fjalën e tij drejtuar pedagogëve dhe studentëve, Meta tha: Historia, kultura, arsimi dhe traditat artdashëse të këtij qyteti kanë qenë dhe mbeten vlera të spikatura të historisë, kulturës dhe arsimit shqiptar. 60-vjetori i themelimit të Universitetit “Luigj Gurakuqi” është një ngjarje e jashtëzakonshme jo vetëm për qytetin e mrekullueshëm të Shkodrës, por edhe për të gjithë vendin. Meta: Shkodra dhe Universiteti “Luigj Gurakuqi” përbëjnë një qendër të rëndësishme me ndikim në arsimin, kulturën dhe shkencën shqiptare.