Synonte të vriste Putinin në Serbi, arrestohet i dyshuari

Autoritetet serbe njoftuan arrestimin e një të dyshuari që synonte të vriste presidentin rus gjatë vizitës së tij në Beograd.

Sipas gazetës Moscow Times, autoritetet serbe arrestuan 21-vjeçarin Armin Alibashik, për akuza për përgatitje të një sulmi terrorist ndaj vizitës së Presidentit rus Vladimir Putin në Beograd, kryeqyteti i Serbisë. Sipas këtij raporti, autoritetet serbe sekuestruan një pushkë që ndodhej në çantën e shpinës së Alibashik, si dhe zbuluan një depo të armëve dhe lëndëve të para për ndërtimin e eksplozivëve në banesën e tij. Alibashik gjithashtu mbante me vete flamurin e grupit terrorist ISIS, sipas raportit. Presidenti i Rusisë, Vladimir Putin, udhëheq delegacionin e lartë rus gjatë vizitës në Serbi, me qëllim që të zhvillojë bashkëpunimin me vendin që synon të bëhet pjesë e BE-së. Putini para vizitës, akuzoi vendet perendimore për “destabilizimin” e Ballkanit.