Hoxhaj i reagon gjeneralit serb

Gjenerali i ushtrisë serbe, Millan Mojsilloviq, ka deklaruar se Rusia si partner strategjik i Serbisë do të vazhdojë ta përkrah vendin e tij.

Këto komente zyrtari i lartë ushtarak serb i bëri gjatë vizitës zyrtare në Moskë, ku shtoi për të përditshmen serbe Novosti se me vëmendje kanë analizuar situatën në Kosovë dhe se sipas tij veprimet e njëanshme të Prishtinës po rrezikojnë sigurinë. “Kemi përkrahjen nga zyrtarët e lartë ushtarakë rusë se si të veprojmë lidhur me çështjen e Kosovës. Natyrisht se jemi të interesuar për sigurinë e serbëve jo vetëm në veri të Kosovës, por në gjithë vendin”, ka shtuar gjenerali serb. E lidhur me këto deklarata të gjeneralit serb ka reaguar Enver Hoxhaj në një postim në profilin e tij në Twitter, ku ka shkruar se si mesazhet dhe kërcënimet nga ana e Serbisë në drejtim të Kosovës janë duke u bërë çdo herë e më të shpeshta. “Mesazhet dhe kërcënimet e forta nga ana e Serbisë janë duke u bërë çdo herë e më të shpeshta. Sot, gjenerali Mojsilloviq ka deklaruar se kanë përkrahjen e Rusisë sa i përket Kosovës. Çfarë duan ata? Të sfidojnë NATO-n, ushtarët e KFOR-it. Kaq nga Serbia “evropiane”.