SHBA investon në ushtrinë kroate

Kulla e kontrollit dhe monitorimit, dhuruar Kroacisë nga qeveria amerikane, u prezantua sot në terrenin e trajnimit ushtarak “Eugen Kvaternik” afër qytetit Slunj.

Ajo gjithashtu demonstroi aftësinë për të kontrolluar mbështetjen e afërt të ajrit (JTAC) me tre aeroplanë F-16 të SHBA dhe dy helikopterë Kiowa Warrior të Forcave Ajrore Kroate (HRZ). “Demonstrimi i sotëm tregoi forcën e re të ushtrisë kroate, ku ne pamë aftësitë mbresëlënëse të trupave tona, të cilët vendosën avionët F-16 amerikanë, ndërsa, nga ana tjetër, kontrollorët amerikanë vendosën helikopterët tanë Kiowa Warrior. Kjo është një arritje e madhe, dhe kjo është se si ne krijojmë partneritet dhe ndërtojmë një ushtri të fortë dhe të fuqishme,” tha ministri i Mbrojtjes së Kroacisë Damir Krstiçeviq pas prezantimit. Ambasadori i SHBA-së në Kroaci Robert Kohorst tha se SHBA është një aleat krenar i Kroacisë. “Kulla para nesh është një simbol i mbështetjes së vazhdueshme të Shteteve të Bashkuara të Amerikës ndaj Kroacisë në modernizimin e Forcave të Armatosura”, tha ai.