Gazetari rus vritet në një sulm me dron në Ukrainë
Një dron ukrainas ka vrarë një gazetar rus në qytetin Vugledar në rajonin perëndimor të Donetskut.
“Korrespondenti ynë Nikita Tsitsagi u vra gjatë një sulmi nga dronët e ushtrisë ukrainase,” njoftoi agjencia e lajmeve News.ru në Telegram të dielën.
Ajo tha se sulmi ndodhi rreth manastirit Saint-Nicolas pranë qytetit të Vugledar, skenë e luftimeve të ashpra për tre muajt e fundit.
Ngjarja ndodhi dy ditë pas vdekjes së një gazetari tjetër rus pranë vijës së frontit.
Gazetari tjetër, i cili punonte për kanalin televiziv shtetëror rus NTV, u vra të enjten në një sulm ukrainas me dron në Golmivsky, një fshat i kontrolluar nga Rusia afër vijës së frontit në rajonin e Donetskut.
Në fillim të këtij muaji, Presidenti rus Vladimir Putin tha se të paktën 30 gazetarë rusë ishin vrarë në vijën e frontit që nga fillimi i konfliktit në Ukrainë.
