Kryebashkiaku i Teheranit Zakani tërhiqet zyrtarisht nga gara presidenciale e Iranit

Kandidati presidencial iranian Alireza Zakani është tërhequr zyrtarisht nga gara presidenciale e vendit, duke u bërë kandidati i dytë që njoftoi tërheqjen e tij në mbështetje të pretendentëve të tjerë vetëm një ditë para zgjedhjeve.

58-vjeçari Zakani, kryebashkiaku aktual i kryeqytetit, Teheranit, e bëri njoftimin në një postim të publikuar në llogarinë e tij zyrtare X të enjten. Ai theksoi se qëndrimi në rrugën e presidentit të ndjerë iranian Ebrahim Raisi, i cili ndërroi jetë në një aksident me helikopter së bashku me shokët e tij në provincën veriperëndimore të Azerbajxhanit Lindor më 19 maj, ka një rëndësi shumë më të madhe sesa kandidatura e tij. Ai iu lut kolegëve kandidatë Muhames Baker Kalibaf dhe Said Xhalili që të bashkohen për të siguruar fitoren e "Frontit Revolucionar". Më parë, një tjetër kandidat Amir-Husein Ghazizadeh Hashemi, 53 vjeç, u tërhoq nga gara. Hashemi aktualisht është nënkryetar. Kandidatët e mbetur në garën presidenciale të Iranit janë Said Xhalili, një ish-negociator kryesor bërthamor, kryetari i parlamentit Muhamed Baker Kalibaf, ish-ministri i brendshëm Mustafa Purmuhamedi dhe ish-ministri i shëndetësisë Masoud Pezeshkian.