Studiuesi sionist pranon: Epoka e fitoreve të Izraelit ka marrë fund

Një ekspert sionist ka pranuar se epoka e fitoreve për regjimin izraelit ka përfunduar dhe është koha të mendojmë rreth parashikimit të fitores nga brenda disfatave të Netanyahut.

Haggai Olshanetsky, një ekspert sionist, në një artikull të botuar në faqen e lajmeve "Zman Yisrael" shkruante se pas asaj që ndodhi më 7 tetor, duket se koncepti i fitores duhet ndryshuar dhe se nuk ka më fitore tipike dhe mitike izraelite.

Sipas agjencisë iraniane të lajmeve Pars Today, ky studiues izraelit ka shkruar se në luftën e vazhdueshme në Gaza, Izraeli nuk do të arrijë asnjë nga qëllimet e tij, sepse ka shpenzuar të gjithë fuqinë e tij parandaluese ekzistuese dhe nuk ka kapacitet shtesë.

Nga ana tjetër, Benjamin Netanyahu, kryeministër i regjimit sionist, po kërkon të dobësojë institucionet shtetërore për të mos shkuar në burg. Netanyahu është i etur për pushtet dhe për këtë arsye nuk dëshiron t'i japë fund luftës, sepse ai e di se për aq kohë sa lufta vazhdon, ai mund të justifikojë sjelljen e Izraelit në Bregun Perëndimor duke përdorur ngjarjet e 7 tetorit si justifikim.

Më tej, autori i këtij artikulli pohon: "Pas 7 tetorit, numri i palestinezëve të vrarë nga Izraeli në Bregun Perëndimor është më i madh se numri i njerëzve me ngjyrë të vrarë nga regjimi i aparteidit të Afrikës së Jugut gjatë më shumë se 30 viteve të sundimit të tij mbi atë vend."

Në fakt, ekziston shqetësimi se vrasja e palestinezëve të pafajshëm dhe civilëve që u vranë pa asnjë arsye do të çojë në ndezjen e një zjarri më të madh në rajonin e Bregut Perëndimor, duke shkaktuar formimin e një fronti të tretë anti-izraelit në këtë zonë.

Nga ana tjetër, në ndezjen e këtij zjarri kontribuon edhe sjellja e kolonëve që me mbështetjen e ushtrisë izraelite po vrasin, po shkatërrojnë dhe po djegin pronat dhe asetet palestineze në Bregun Perëndimor.

Ky ekspert izraelit ka shkruar se para përfundimit të luftës së Gazës dhe para se çdo gjë të përfundojë me disfatën përfundimtare të Izraelit, ka ende një shans të vogël për të shpëtuar Izraelin, dhe ai është shuarja e zjarrit të luftës së Gazës. Ajo që është e qartë është fakti se është në interesin e Izraelit t'i japë fund luftës së Gazës dhe të përpiqet t'u japë palestinezëve pavarësinë në kushtet më të mira.

Sipas këtij shkrimtari izraelit, aktualisht, me ndihmën e OKB-së dhe komunitetit ndërkombëtar, mund të zyrtarizohet një armëpushim në Gaza në kuadër të një marrëveshjeje politike të miratuar nga institucionet e OKB-së.

Nëse Izraeli nuk ka faktorë motivues për të realizuar këtë marrëveshje, disfata jonë do të jetë shumë e rëndë, sepse marrëveshja që të tjerët propozojnë në të ardhmen do të jetë më e keqe për Izraelin dhe ndoshta si pasojë e kësaj lufte do të zbatohet procesi i sanksioneve ekonomike kundër Izraelit, gjë që do t'ua bëjë jetën të vështirë dhe të rëndë izraelitëve.

Ky ekspert izraelit deklaroi se gjëja më e keqe për Izraelin është të detyrohet të pranojë një marrëveshje që nuk është hartuar dhe propozuar në kuadrin e kushteve të Izraelit, ashtu siç ndodhi me Afrikën e Jugut dhe në rrethana të tilla nuk ka më vend për konceptin e një fitoreje vendimtare, por më tepër duhet kërkuar fitorja në humbje.

Sipas pranimit të këtij studiuesi sionist, sot palestinezët, në fakt, nuk kanë lirinë e lëvizjes dhe transferimit, ata nuk kanë as pasaportat e tyre, hyrja dhe dalja e tyre dhe madje edhe jeta e tyre menaxhohet në bazë të dëshirave dhe disponimit të strukturës ushtarake izraelite që sundojnë në këtë rajon.