Lapid mbështet çdo marrëveshje për lirimin e robërve të luftës nga Gaza
Udhëheqësi i opozitës izraelite, Yair Lapid, njoftoi të dielën mbështetjen e tij për çdo marrëveshje që çon në lirimin e të burgosurve të mbajtur nga grupi palestinez Hamas në Rripin e Gazës.
Sipas gazetës izraelite "Yedioth Ahronoth", kjo erdhi në një deklaratë të opozitarit Lapid gjatë takimit të tij me përfaqësuesit e familjeve të të burgosurve izraelitë.
“Opozita do të mbështesë çdo hap dhe çdo marrëveshje, pa marrë parasysh sa e gjerë është, që çon në kthimin e të rrëmbyerve”, tha ai.
Më tej, ai shtoi: “Nuk do të themi se do ta kishim menaxhuar më mirë këtë çështje, por të rrëmbyerit duhet të kthehen dhe është detyra jonë t'i kthejmë ata.”
Më herët, të dielën, kryeministri izraelit Benjamin Netanyahu tha se “nuk do të ketë armëpushim në Gaza pa kthimin e të rrëmbyerve tanë” nga Rripi i Gazës.
