Delegacioni negociator i regjimit sionist u nis për në Katar

Kreu i Mossad shkoi në Doha në krye të ekipit negociator dhe para fillimit të negociatave pritet të takohet me kryeministrin e Katarit.

Sipas raportimit të Al-Alam, ky delegacion para fillimit të negociatave për armëpushim dhe shkëmbim të të burgosurve pritet të takohet me kryeministrin e Katarit. Në lidhje me këtë, një zyrtar i lartë i qeverisë amerikane tha: Negociatat mes palëve të ndryshme për Gazën do të rifillojnë nga nesër të premten në Doha. Ky zyrtar i lartë amerikan deklaroi se përgjigja e Hamasit ndaj propozimit për armëpushim do të avancojë negociatat dhe do të sigurojë bazën për arritjen e një marrëveshjeje përfundimtare. Ai përmendi se Netanjahu dhe Biden diskutuan sot detajet e negociatave për lirimin e të burgosurve dhe armëpushimin në Gaza. Organizata Zioniste e Radios dhe Televizionit raportoi se kreu i CIA-s dhe Këshilltari i Sigurisë Kombëtare i Shteteve të Bashkuara kanë marrë pjesë në bisedën mes Netanjahu dhe Bidenit. Një delegacion izraelit shkoi në Egjipt të enjten për të negociuar një armëpushim pasi Hamasi ra dakord për një armëpushim të propozuar në Gaza. Më herët Kanali 13 i regjimit sionist raportoi se kreu i Mossad-it është kreu i ekipit negociator të këtij regjimi për marrëveshjen e shkëmbimit të të burgosurve. Dje, zyra e kryeministrit të regjimit sionist njoftoi se Mossad kishte marrë nga ndërmjetësit, përgjigjen e Hamasit në lidhje me marrëveshjen e shkëmbimit të të burgosurve dhe planin e propozuar të armëpushimit të Gazës. Zyra e Benjamin Netanjahut theksoi se ndërmjetësit i paraqitën Tel Avivit përgjigjen e Hamasit ndaj planit të propozuar të armëpushimit në Gaza.