Regjimi sionist sulmon sërish Sirinë

Mbrëmë, regjimi izraelit bombardoi disa ish-baza ushtarake të ushtrisë siriane në periferi të provincës Daraa, të vendosura në jug të vendit.

Avionët luftarakë izraelitë kanë shënjestruar ish-bazat ushtarake rreth qyteteve Jabbab dhe Azra në periferi të provincës Daraa në jug të Sirisë. Më parë, disa baza ushtarake në shkretëtirat e provincës Deir Ezzor në kufirin midis Irakut dhe Sirisë janë sulmuar nga dy avionë luftarakë. Në vazhdim të agresionit të ushtrisë izraelite në territorin sirian, avionët luftarakë të regjimit bombarduan Brigadën e 90-të të Ushtrisë Siriane në periferi të Kuneitra në jug të Sirisë. Nga ana tjetër, pak orë më parë, avionët luftarakë izraelitë bombarduan selinë e Brigadës së 7-të në zonën Zakiya në perëndim të Damaskut.