Amnesty International reagon ndaj Macron: Perëndimi humbi besueshmërinë 19 muaj më parë

ParsToday-Agnes Callamard, sekretarja e përgjithshme e Amnesty International, tha se Perëndimi humbi besueshmërinë e tij në luftërat e vazhdueshme në Rripin e Gazës dhe Ukrainë 19 muaj më parë.

Callamard në një postim në llogarinë e saj në rrjetin social X, reagoi ndaj komenteve të fundit të Presidentit Francez Emmanuel Macron, i cili kishte paralajmëruar se “Perëndimi mund të humbasë besueshmërinë për shkak të luftërave në Ukrainë dhe Gaza”.

“Seriozisht? Besueshmëria u humb 19 muaj më parë, si rezultat i bashkëpunimit ose mosveprimit të Perëndimit ndaj gjenocidit të Izraelit në Gaza”, shkroi Callamard në përgjigje të Macronit.

“Dhe do të duhet shumë më tepër sesa fjalë që kredibiliteti i  Perëndimit të restaurohet”, shtoi ajo.

Callamard tha gjithashtu se rivendosja e besueshmërisë kërkon veprime të forta për të ndaluar gjenocidin, bllokadën humanitare dhe urinë e imponuar nga Izraeli, si dhe pushtimin e paligjshëm, duke e këshilluar Perëndimin të ndërmarrë gjashtë hapa për të rivendosur besueshmërinë e tij.

Njohja dhe emërtimi i krimit të gjenocidit dhe ndërprerja e të gjitha transfertave të armëve drejt Izraelit, qofshin ato indirekte apo të vogla, ndërprerja e marrëveshjes Bashkimi Evropian-Izrael dhe zbatimi i vendimit të marrë nga Gjykata Ndërkombëtare e Drejtësisë (GJND) mbi pushtimin e paligjshëm ushtarak të Izraelit, përfshirë përmes sanksioneve dhe heqjes së investimeve, janë tre hapa të sugjeruar nga Callamard.