Njëanshmëria amerikane; Një kërcënim për të gjithë

Politikat e njëanshme të SHBA gjatë presidencës Trump janë bërë një shqetësim global.

Sidoqoftë, njëanshmëria amerikane nuk kërcënon vetëm një ose më shumë vende, por është një sfidë për të gjithë botën. Disa nga realitetet e këtij shqetësimi u ngritën në fjalimet e zëvendës ministrit i jashtëm iranian për çështjet ligjore dhe ndërkombëtare në takimin e grupit NAM. "Mohsen Baharvand", zëvendës ministri i jashtëm i Iranit për çështjet ligjore dhe ndërkombëtare, duke përmendur këto shqetësime në një takim të vendeve të grupit NAM të mbajtur në margjinat të Asamblesë së 75-të të Përgjithshme të KB të Premten theksoi: Vendet e botës përmes kundërshtimit kolektiv duhet të veprojnë unanimisht dhe të bashkuar në refuzimin e njëanshmërisë.  Shtetet e Bashkuara kërkojnë të dëmtojnë Iranin duke shkelur rëndë rezolutat dhe të drejtat ndërkombëtare, duke vendosur sanksione të ashpra, luftë ekonomike, luftë mediatike, luftë kulturore dhe operacione të përhapura psikologjike. Këto veprime jo vetëm që nuk kanë justifikim ligjor, por gjithashtu përpiqen të përhapin paligjshmërinë dhe të shkojnë përtej Kombeve të Bashkuara dhe vullnetit të bashkësisë ndërkombëtare. Shtetet e Bashkuara po shkatërrojnë sistemin e marrëdhënieve ndërkombëtare duke shkelur traktatet ndërkombëtare, nga konventa e Parisit e deri tek traktati i mospërhapjes bërthamore dhe marrëveshja bërthamore. Gjithashtu Shtetet e Bashkuara në këtë veprim anormal, kanë shkelur të drejtat themelore të njeriut përmes bllokadave ekonomike dhe sanksioneve tregtare. Uashingtoni ka thënë se qëllimi i "fushatës së presionit maksimal" kundër Iranit është të arrijë një marrëveshje të re me Teheranin që adreson të gjitha çështjet e SHBA. Departamenti i Thesarit i SHBA të Enjten vazhdoi këtë proces duke vendosur sanksione ndaj 18 bankave iraniane, të cilat tregtojnë kryesisht me disa kompani të huaja në botë dhe me licencën e Departamentit të Thesarit të SHBA, kryesisht për blerjen e barnave dhe pajisjeve mjekësore. Përfaqësuesi i përhershëm i Iranit në Kombet e Bashkuara e quajti presionin maksimal të SHBA një shembull të terrorizmit shtetëror dhe tha: "Kjo politikë është krijuar për të ndryshuar regjimin dhe për të krijuar trazira shoqërore në përputhje me politikën e tyre korruptive për të ndryshuar regjimin." "Republika Islamike e Iranit dënon me forcë terrorizmin në të gjitha format e saj, përfshirë terrorizmin shtetëror dhe terrorizmin ekonomik dhe mjekësor," tha Maxhid Takhtrevançi në një takim të Komitetit të Gjashtë të Asamblesë së Përgjithshme të KB të Enjten në mbrëmje, raportoi IRNA. Për të zhdukur terrorizmin një herë e përgjithmonë, nuk ka zgjedhje tjetër përveçse të përdorim fuqinë dhe një qasje shumëpalëshe dhe të sigurojmë bashkëpunim dhe koordinim të ngushtë midis aktorëve përkatës në nivelet kombëtare, rajonale dhe ndërkombëtare. Përfaqësuesi i Iranit në Kombet e Bashkuara vazhdoi: "Lufta kundër terrorizmit gjithashtu duhet të kryhet në përputhje me Kartën e KB dhe respektimin e ligjit ndërkombëtar dhe ligjit ndërkombëtar humanitar". "terrori ndaj kombeve ka qenë dhe është një sfidë e madhe globale për komunitetin ndërkombëtar, sepse merr jetën e njerëzve të panumërt të pafajshëm dhe në të njëjtën kohë çon në pasoja shkatërruese për stabilitetin dhe sigurinë e kombeve," tha Takhtrevançi. Pandemia Covid-19 ka ndryshuar shëndetin e shumë komuniteteve, tha Takhtrevançi i cili shtoi: "Imponimi i ligjeve dhe rregulloreve të SH.B.A.-së me ndikim ekstrateritorial në vendin tim (Iranin) dhe vendet e tjera është, për nga përkufizimi është i barabartë me terrorizmin". Përveç terrorizmit ekonomik, Takhtrevançi e quajti vrasjen brutale dhe frikacake të gjeneral major martir Kasem Sulejmani, heroi Iranit në luftën kundër terroristëve në rajon, një shembull tjetër i qartë i terrorizmit shtetëror. Takhtrevançi përfundoi: "Ky është një fakt i provuar se Shtetet e Bashkuara po përhapin terrorizëm jo vetëm në rajon por pothuajse kudo në botë". Sjellja e paarsyeshme dhe kërkesat e Shteteve të Bashkuara, të cilat janë rezultat i drejtpërdrejtë i njëanshmërinë, kanë penguar marrëdhëniet dhe parimet e marrëdhënieve ndërkombëtare. Këto veprime janë më shumë kundër mekanizmave ndërkombëtarë dhe Këshillit të Sigurimit të KB dhe kundër ligjit dhe rregulloreve ndërkombëtare sesa kundër Iranit. Këto veprime jokonvencionale i kanë dhënë një goditje të rëndë parimit të angazhimit të përbashkët dhe dialogut, të cilat përfundimisht synojnë të zhvlerësojë Këshillin e Sigurimit dhe rezolutat e tij. Një shqetësim tjetër është imponimi i njëanshmërisë së SHBA mbi vendet e tjera. Qeveria e SH.B.A.-së, e cila shkel ligjin ndërkombëtar, u bën thirrje vendeve të tjera të mos u përmbahen detyrimeve të tyre ndërkombëtare. Kjo sjellje është e rrezikshme dhe mund të shkatërrojë stabilitetin, paqen dhe sigurinë në botë. Për këto arsye, njëanshmëria amerikane është një kërcënim i përhapur që duhet të dënohet në skenën botërore. "Mënyra e vetme për të shuar njëanshmërinë vulgare të qeverisë amerikane është shumëanshmëria dhe respektimi i ligjit ndërkombëtar," tha Mohsen Baharvand., zv/ministër i jashtëm i Republikës Islamike të Iranit.