Irani në Ditën e OKB: Bota duhet të refuzojë unilateralizmin

Me rastin e 75 vjetorit të themelimit të Kombeve të Bashkuara, Irani theksoi se bota duhet të refuzojë "unilateralizmin dhe shantazhimin".

Në një postim të Shtunën, Ministria e Jashtme e Iranit tha se OKB u krijua 75 vjet më parë me "një vizion të përbashkët për ndërtimin e një bote më të mirë bazuar në multilateralizëm dhe bashkëpunim". Si një anëtar themelues i OKB, Irani ka një rekord të provuar të përkushtimit ndaj qëllimeve të Kartës së këtij organizmi ndërkombëtar, thuhet në deklaratën e MPJ të Iranit. Dita e OKB shënon përvjetorin e hyrjes në fuqi të Kartës së OKB në 24 Tetor 1945.