Eragçi: Irani nuk entuziazmohet për ardhjen e Biden

Duke iu referuar zgjedhjeve presidenciale të SHBA, zëvendës ministri i jashtëm i Iranit tha se Irani nuk ishte i tmerruar nga qëndrimi i Donald Trump dhe ashtu nuk entuziazmohet me ardhjen e Joe Biden.

Zëvendës ministri i jashtëm i Iranit Seyed Abbas Eragçi të Mërkurën tha se qëndrimi i "Donald Trump" dhe ardhja e "Joe Biden" nuk kanë asnjë efekt në politikën iraniane, duke shtuar se Irani vendos dhe vepron bazuar në interesat e tij. Duke iu referuar ngjarjeve në presidencën e SHBA, Eragçi tha se kandidatët presidencialë të një vendi që pretendon të jetë demokracia më e madhe në botë akuzojnë njëri-tjetrin për mashtrim dhe i konsiderojnë të gjitha zgjedhjet të korruptuara për shkak të manipulimeve që ata pretendojnë. Zëvendës ministri i jashtëm i Iranit deklaroi se ngjarjet e presidencës amerikane treguan plotësisht imazhin e rreme të demokracisë amerikane dhe dobësinë strukturore. "Shoqëria Amerikane është bërë bipolare. Shtetet e Bashkuara kanë arritur një pikë ku ka saktësisht dy pole pothuajse të barabartë dhe këto dy fuqi po konkurrojnë me njëra-tjetrën dhe nuk mund ta tolerojnë njëra-tjetrën," tha Eragçi. Pavarësisht raporteve të mediave amerikane se i emëruari demokrat Joe Biden fitoi zgjedhjet presidenciale me 290 vota elektorale, Byroja e Shërbimeve Publike deri më tani ka përjashtuar fitoren e Biden për shkak të kundërshtimit të Presidentit Donald Trump për të pranuar humbjen në zgjedhje dhe për të këmbëngulur në një proces gjyqësor në Gjykatën e Lartë Federale. Trump nuk ka nënshkruar ende ndonjë dokument që do të fillojë procesin zyrtar të dorëzimit të pushtetit tek Presidenti i zgjedhur i SHBA.