Iran, 114 persona humbin jetën nga virusi Korona

Zëdhënësja e Ministrisë së Shëndetësisë së Iranit deklaroi se deri më tani janë regjistruar 1.233.429 persona të infektuar me virusin Korona dhe me vdekjen e 114 personave gjatë 24 orëve të fundit, numri i vdekjeve të shkaktuara nga virusi Korona në Iran ka shkuar në 55.337 persona.

Sima Sadat Lari, zëdhënësja e Ministrisë së Shëndetësisë, në lidhje me statistikat më të fundit të rasteve të personave të infektuar me virusin Korona në Iran, tha: “Nga dje e deri më sot dhe në bazë të analizave të sakta për diagnostikim, janë regjistruar 6.286 persona të infektuar me virusin Korona dhe në përgjithësi numri i personave të infektuar me virusin Korona në Iran, ka shkuar në 1.233,429 persona”.

Ajo shtoi: “Për fat të keq në 24 orët e fundit, 114 persona të infektuar me virusin Korona kanë humbur jetën dhe në këtë mënyrë numri i përgjithshëm i vdekjeve të shkaktuara nga virusi Korona në Iran, ka shkuar në 55.337 persona”.

Lari shtoi: “Për fat të mirë deri më tani 995.570 persona të infektuar me virusin Covid-19 janë kuruar dhe janë liruar nga spitalet. Ndërkohë 5.013 pacientë me Covid-19 në Iran janë në gjendje shëndetësore kritike dhe nën përkujdesje mjekësore”.

Vlen të theksohet se numri i të infektuarve me virusin Korona në botë ka shkuar në rreth 88 milionë persona që nga ky numër mbi 1 milion e 828 mijë persona kanë humbur jetën si pasojë e këtij virusi.