Irani dhe Rusia nënshkruajnë marrëveshje bashkëpunimi në fushën e shëndetësisë

Përfaqësuesit e ministrive të shëndetësisë së Republikës Islamike të Iranit dhe Rusisë ditën e mërkurë gjatë një takimi në Moskë kanë biseduar për forcimin e bashkëpunimeve në fushën e prodhimit të medikamenteve dhe vaksinave.

Agjencia e lajmeve IRNA njoftoi se në fillim të këtij takimi Alexander Deronova, zv/ministri i shëndetësisë së Rusisë, deklaroi: “Ne shpresojmë që sot do të shkëmbejmë mendime dhe do të hedhim një vështrim mbi programin e bashkëpunimeve mes Ministrive të shëndetësisë së Rusisë dhe Iranit”.

Gjatë këtij takimi gjithashtu Irani dhe Rusia kanë nënshkruar marrëveshje për zhvillimin e bashkëpunimeve të gjera në fushën e shëndetësisë dhe mjekësisë.

Muhamed Reza Shane Saz, zv/ministri i shëndetësisë dhe kryetari i organizatës për ushqim dhe medikamente të Iranit dhe Alexander Deronova, zv/ministri i shëndetësisë së Rusisë, kanë nënshkruar memorandumin për bashkëpunime të gjera mes të dy vendeve në fushën e shëndetësisë, mjekësisë, farmaceutikës dhe arsimit rajonal.

Më parë përfaqësuesit e ministrive të shëndetësisë së Iranit dhe Rusisë gjatë takimit të tyre në Moskë kanë diskutuar rrugët për forcimin e bashkëpunimeve në fushën e prodhimit të medikamenteve dhe vaksinës.