Drejtori i përgjithshëm i ANEA do të vizitojë Iranin

Drejtori i përgjithshëm i Agjencisë Ndërkombëtare të Energjisë Atomike (ANEA), Rafael Grossi, do të vizitojë Teheranin të Shtunën për bisedime teknike se si të bashkëpunojë me Iranin pas planit të tij për të reduktuar bashkëpunimin vullnetar, njoftoi ambasadori dhe përfaqësuesi i përhershëm i Iranit në organizatat ndërkombëtare në Vjenë.

"Kjo vizitë u kërkua nga drejtori i përgjithshëm i ANEA , i cili do të zhvillojë bisedime teknike me Organizatën e Energjisë Atomike të Iranit mbi mënyrën e zbatimit të dispozitave të letrës së Iranit të 15 shkurtit për ANEA dhe nenit 6 të 'Planit Strategjik të Veprimit' të Parlamentit Iranian dhe si të vazhdojmë bashkëpunimin dypalësh në dritën e aranzhimeve dhe zhvillimeve të reja, ”tha të Mërkurën Kazem Gharibabadi. Njoftimi erdhi disa orë pasi Grossi njoftoi të Martën se ai ishte gati të vizitonte Iranin pasi Teherani informoi organin e OKB për vendimin e tij për t'i dhënë fund zbatimit vullnetar të Protokollit Shtesë të Traktatit të Mos-Përhapjes Bërthamore (NPT). Ministria e Jashtme iraniane tha të hënën se Teherani do të përfundojë zbatimin vullnetar të Protokollit Shtesë nëse palët e tjera në marrëveshjen bërthamore të Iranit  nuk do të përmbushin zotimet e tyre brenda afatit të caktuar.