Irani nënshkruan marrëveshje bashkëpunimi me Venezuelën

Një memorandum mirëkuptimi mbi programin ekzekutiv të bashkëpunimit turistik u nënshkrua midis Ministrisë së Trashëgimisë Kulturore, Turizmit dhe Artizanatit të Iranit dhe Ministrisë së Turizmit dhe Tregtisë së Jashtme të Republikës së Venezuelës.

Sipas Agjencisë së Radios dhe Televizionit IRIB, ky memorandum i bashkëpunimit u nënshkrua në bazë të marrëdhënieve miqësore dhe dëshirës së ndërsjellë për të zhvilluar dhe zgjeruar marrëdhëniet dypalëshe në fushën e bashkëpunimit turistik, duke theksuar rolin e rëndësishëm të turizmit në zhvillimin ekonomik, kulturor dhe duke pasur parasysh tiparet historike të të dy vendeve. Ky memorandum është vendosur në 11 klauzola për 2 vjet dhe do të zgjasë deri më 31 dhjetor 2023. Ali Asghar Monsan, Ministri i Trashëgimisë Kulturore, Turizmit dhe Artizanatit të Iranit, në ceremoninë e nënshkrimit të Memorandumit të Mirëkuptimit midis Programit Ekzeutiv të Bashkëpunimit të Turizmit midis Iranit dhe Venezuelës tha: "Irani me civilizim antik dhe burime të bollshme historike, natyrore dhe kulturore , si dhe larmia kulturore dhe përkatësia etnike, ka një kapacitet shumë të mirë për turizëm dhe tërheqjen e turistëve nga Venezuela. Ministri i Trashëgimisë Kulturore, Turizmit dhe Artizanatit, duke iu referuar ekzistencës së fluturimeve të drejtpërdrejta midis dy vendeve, shtoi: "Fluturimet e drejtpërdrejta midis dy vendeve është një kapacitet shumë i rëndësishëm dhe i mirë që mund të ndihmojë në fillimin dhe zhvillimin e marrëdhënieve të turizmit midis dy vendeve ".