Zëdhënësi i Ministrisë së Jashtme iraniane diskuton me zyrtarët sirianë në Damask

Zëdhënësi i Ministrisë së Punëve të Jashtme të Republikës Islamike të Iranit të mërkurën u takua në Damask me ministrat sirianë të jashtëm dhe të informacionit.

Sipas IRNA, zëdhënësi i Ministrisë së Jashtme iraniane Saeed Khatibzadeh dhe ministri i jashtëm sirian Faisal al-Mekdad u takuan për të diskutuar marrëdhëniet dypalëshe dhe mënyrat për t'i forcuar dhe zhvilluar ato, veçanërisht në fushat politike, media, shkencore dhe kulturore. Të dy palët diskutuan gjithashtu mbi zhvillimet rajonale dhe rëndësinë e forcimit të marrëdhënieve dhe konsultimeve midis dy vendeve në të gjitha nivelet për të çuar përpara marrëdhëniet dypalëshe. Duke iu referuar efekteve çnjerëzore të sanksioneve të njëanshme ekonomike të vendosura mbi popullin sirian, ministri i jashtëm sirian theksoi nevojën për përpjekje të përbashkëta midis Damaskut dhe Teheranit për të adresuar sfidat e përbashkëta që kërcënojnë sigurinë dhe paqen në rajon. Al-Mekdad gjithashtu përsëriti mbështetjen e Sirisë për pozicionin e Iranit në Planin Gjithëpërfshirës të Veprimit të Përbashkët (CJAP) dhe kundërshtimin e Damaskut në përpjekjen për të shtrembëruar imazhin e Iranit. Gjatë takimit, Khatibzadeh përsëriti mbështetjen e Iranit për Damaskun për të arritur një zgjidhje që mund të rivendosë sigurinë dhe stabilitetin në të gjithë Sirinë dhe të ruajë sovranitetin, pavarësinë dhe unitetin e këtij vendi.