Salehi: Bllokada e marrëveshjes bërthamore po çahet

Kreu i Organizatës së Energjisë Atomike të Iranit, duke theksuar se ngërçi i marrëveshjes bërthamore po zgjidhet, tha:

Fakti që tema e bisedimeve për marrëveshjen bërthamore ka hyrë në fazën teknike dhe ka kaluar nga konfliktet fillestare, do të thotë se bllokimet fillestare dhe tematike janë thyer, gjë e cila është "premtuese". Sipas agjencisë IRNA, Ali Akbar Salehi në një intervistë në rrjetin social "Club House" të Premten në mbrëmje tha: "Javën tjetër në Vjenë, do të diskutohen për çështjet teknike që janë pika qendrore e marrëveshjes bërthamore në kontekstin ligjor dhe çështjet politike ".  Kreu i Organizatës së Energjisë Atomike të Iranit shtoi: "Takimi i së Premtes i Komisionit të përbashkët të marrëveshjes bërthamore bëri që të rishikohet konteksti politik dhe ligjor".  Takimi i Komisionit të marrëveshjes bërthamore që u mbajt të Premten, u kryesua nga Enrique Mora, Zëvendës Shefi i Përgjithshëm i Shërbimit të Jashtëm të Bashkimit Evropian, në emër të Koordinatorit të marrëveshjes bërthamore Joseph Borrell dhe Seyed Abbas Eragçi, Zëvendës Ministri i Jashtëm i Iranit që kryesoi delegacionin iranian.  Në takim, pjesëmarrësit diskutuan mundësinë e kthimit të Shteteve të Bashkuara në marrëveshjen bërthamore dhe sigurimin që marrëveshja të zbatohet plotësisht dhe në mënyrë efektive nga të gjitha palët.  Salehi vazhdoi duke thënë se Shtetet e Bashkuara duhet të arrijnë këtë pikë dhe të kuptojnë se sa më shumë presion të bëhet mbi Republikën Islamike të Iranit, aq më e fortë do të jetë ajo dhe shtoi: Irani është çelësi i artë për rajonin; Nëse ata duan të zhbllokojnë drynin e rajonit; Çelësi është Irani.  Kreu i Organizatës së Energjisë Atomike të Iranit tha se prodhimi i uraniumit të pasuruar me 20 për qind tani ka arritur në 50 kilogramë, duke shtuar se në muajt e ardhshëm do t'i njoftohet popullit iranian një lajm i mirë në lidhje me progresin bërthamor.  "Ne nuk duhet të heqim dorë nga asnjë e drejtë bërthamore," tha Salehi. Sfida jonë ndaj Perëndimit nuk ishte bërthamore; Nga dita kur fitoi Revolucioni Islamik, filloi sfida jonë ndaj Perëndimit.