Irani arreston një spiun izraelit dhe spiunë të tjerë

Një zyrtar në Ministrinë e Inteligjencës së Iranit tha se një spiun izraelit dhe një numër spiunësh të tjerë të lidhur me shërbimet e sigurisë të vendeve të ndryshme janë arrestuar në provincën veriperëndimore iraniane të Azerbajxhanit Lindor.

Duke folur para gazetarëve të hënën, drejtori i përgjithshëm i departamentit të inteligjencës së provincës së Azerbajxhanit Lindor, tha se asnjë anëtar i ndonjë grupi terrorist takfirist nuk është i pranishëm në provincë. Zyrtari, megjithatë, nuk dha ndonjë informacion të mëtejshëm në lidhje me numrin e të arrestuarve ose kombësitë e tyre. Zyrtari tha se oficerët e inteligjencave të huaja, duke përdorur metoda të ndryshme komplekse, po përpiqeshin të spiunonin projektet bërthamore, politike, ekonomike, ushtarake dhe infrastrukturore të Iranit.