Vjena mirëpret hapat diplomatikë për të ruajtur marrëveshjen bërthamore
Në një cicërimë, Ministria e Jashtme austriake përshkroi marrëveshjen bërthamore si mekanizmin më të mirë për të parandaluar një garë armësh bërthamore në Lindjen e Mesme dhe bëri thirrje për një rifillim të diplomacisë për të ruajtur marrëveshjen.
Të Mërkurën, Ministri i Jashtëm austriak Alexander Schallenberg u takua me Përfaqësuesin Special të SH.B.A.-së për Iranin Robert Mali, i cili është në Vjenë për bisedime ekspertësh mbi heqjen e sanksioneve kundër Iranit dhe përshëndeti "përpjekjet intensive diplomatike" për të mbajtur marrëveshjen bërthamore. Schallenberg gjithashtu u takua me Seyed Abbas Eragçi, zëvendës ministër i jashtëm iranian dhe kreu i delegacionit iranian, në takimin e Komisionit të Përbashkët. Gjatë takimit, Eragçi falënderoi qeverinë austriake për përpjekjet dhe mikpritjen e saj dhe theksoi nevojën për një heqje të plotë të sanksioneve dhe hapave praktikë që qeveria amerikane duhet të ndërmarrë për t'u kthyer në marrëveshjen bërthamore. Schallenberg theksoi gjithashtu gatishmërinë e qeverisë austriake për të bërë çdo përpjekje për të krijuar një mjedis të përshtatshëm për bisedimet që do të zhvillohen në Vjenë dhe tha: marrëveshja bërthamore dhe vazhdimi i saj është në interesin e të gjithë neve dhe dëshiroj që të gjitha palët të kthehen në zbatimin e plotë të saj. Pas disa orë diskutimesh anëtarët e marrëveshjes bërthamore ranë dakord në kuadrin e takimit të 18-të të Komisionit të Përbashkët të marrëveshjes bërthamore që konsultimet për heqjen e menjëhershme të sanksioneve kundër Iranit të vazhdojnë në nivelin e ekspertëve. Takimi i ardhshëm i Komisionit të Përbashkët është planifikuar për të Premten për të vlerësuar procesin e negociatave të ekspertëve. "Robert Mali, i dërguari i SHBA për Iranin, i cili është në Vjenë për të marrë pjesë në takimet e ekspertëve për heqjen e sanksioneve kundër Iranit, në një intervistë me Radio Kombëtare të SHBA tha: Politika e presionit maksimal të Trump ka dështuar dhe kthimi në marrëveshjen bërthamore në Iran është në interes të Shteteve të Bashkuara dhe qytetarëve të saj. Ai theksoi: Ne do të negociojmë me këdo që është në pushtet në Iran. Gjatë administratës së Donald Trump, Uashingtoni u tërhoq në mënyrë të njëanshme nga marrëveshja bërthamore dhe përdori terrorizmin ekonomik me qëllim që të bënte presion maksimal mbi popullin iranian. Por Biden, presidenti i ri i SHBA, ka kritikuar politikën e mëparshme të Shtëpisë së Bardhë ndaj Iranit dhe tha se një kthim në marrëveshje do të ishte i kushtëzuar nga veprimi i Iranit, duke thënë se nëse Irani kthehej në zbatimin e plotë të marrëveshjes bërthamore edhe Uashingtoni do të kthehej në marrëveshje. Republika Islamike e Iranit ka theksuar vazhdimisht se: Irani është i gatshëm të pezullojë masat e tij bërthamore dhe të kthehet në zbatimin e plotë të kësaj marrëveshjeje menjëherë sapo sanksionet e SH.B.A. të hiqen dhe palët e tjera në këtë marrëveshje ndërkombëtare të përmbushin detyrimet e tyre.
