Eragçi: Irani dëshiron një kthim të saktë në marrëveshjen bërthamore
Zëvendës Ministri i Jashtëm i Republikës Islamike të Iranit theksoi të Premten se Irani dëshiron një rikthim të saktë në modelin e marrëveshjes bërthamore, duke deklaruar se Irani ka një pozicion logjik dhe të arsyetueshëm në heqjen e sanksioneve.
"Rezultati që kemi arritur deri më tani është se ne jemi në rrugën e duhur," tha Seyed Abbas Eragçi për kanalin Press TV rreth rezultatit të bisedimeve të Vjenës. "Përpjekjet e grupit të sanksioneve dhe e grupit të punës së Iranit ishin të mira," tha ai, duke shtuar se diskutimet duheshin vazhduar, veçanërisht mbi çështjen e heqjes së sanksioneve, e cila është një çështje komplekse. Zëvendës Ministri i Jashtëm i Republikës Islamike të Iranit vuri në dukje kërkesën racionale të Iranit për heqjen e të gjitha sanksioneve dhe deklaroi se pozicioni i Iranit është që të gjitha sanksionet, qofshin ato të vendosura gjatë epokës Trump ose sanksionet e përmendura në marrëveshjen bërthamore, duhet të hiqen dhe amerikanët vetë e dinë më mirë se çfarë të bëjnë. Takimi i dytë i sesionit të 18-të të Komisionit të Përbashkët, i cili rinisi punimet në Vjenë ditën e Martë, u mbajt të Premten. Axhenda më e rëndësishme e takimit ishte prezantimi i raportit të konsultave teknike të mbajtura në takimet e grupeve të ekspertëve të grupeve "heqja e sanksioneve" dhe "çështja bërthamore". Përfaqësuesit e Bashkimit Evropian, si koordinatorë të takimeve të ekspertëve, raportuan tek anëtarët e Komisionit të Përbashkët, rezultatet e konsultimeve të ekspertëve të Iranit dhe vendeve P4 + 1. "Seyyed Abbas Eragçi", zëvendësministri politik i punëve të jashtme dhe kreu i delegacionit iranian, në takimin e Komisionit të Përbashkët të marrëveshjes bërthamore, ndërsa theksoi vullnetin e Republikës Islamike të Iranit për të vazhduar ndërveprimet serioze tha: Kjo varet nga vullneti politik dhe serioziteti i palëve të tjera, përndryshe nuk do të ketë arsye për të vazhduar negociatat. Në maj 2018, gjatë presidencës së "Donald Trump", Uashingtoni u tërhoq në mënyrë të njëanshme dhe ilegale nga marrëveshja bërthamore dhe që atëherë, përveç rivendosjes së sanksioneve bërthamore, ai gjithashtu ka vendosur sanksione të tjera kundër Teheranit. Por presidenti i ri i SHBA Joe Biden ka shprehur një dëshirë për t'i risjellë Shtetet e Bashkuara përsëri në marrëveshje; Sidoqoftë, deri më tani asnjë veprim praktik nuk është ndërmarrë nga qeveria e Biden për t'u kthyer në marrëveshjen bërthamore.
