Sulmohet konsullata iraniane në Qerbela
Të Dielën në mbrëmje, burimet e lajmeve raportuan se disa protestues kishin sulmuar konsullatën e Republikës Islamike të Iranit në qytetin Qerbela.
Sipas Agjencisë së Lajmeve Fars, burimet e lajmeve raportuan se protestuesit i vunë flakën murit të jashtëm të konsullatës iraniane. Ndërkohë, forcat irakiane të sigurisë në Qerbela janë përballur me protestuesit, njoftoi kanali irakian i lajmeve Saberin. Protestuesit në Irak, të cilët në muajt e fundit thuhet se kanë marrë fonde të konsiderueshme nga ambasadat e disa vendeve arabe në jug të Gjirit Persik, edhe më parë kanë sulmuar konsullatat e Republikës Islamike të Iranit në Basra dhe Najaf. Kohët e fundit, disa analistë kanë paralajmëruar për përpjekje në prapaskenë të disa grupeve për të prishur marrëdhëniet miqësore dhe strategjike Iran-Irak, të cilat më shumë se kurrë janë manifestuar në luftën kundër grupit terrorist ISIS.