SHBA ende nuk kanë treguar vendosmëri për të hequr sanksionet

Përfaqësuesi i përhershëm i Iranit në organizatat ndërkombëtare me qendër në Vjenë deklaroi se Shtetet e Bashkuara nuk kanë treguar vendosmëri në drejtim të heqjes së sanksioneve dhe kthimit në përputhje me marrëveshjen bërthamore të Iranit.

"Mbetet për t'u parë nëse Shtetet e Bashkuara kanë vendosmërinë dhe gatishmërinë e nevojshme për të hequr dorë nga varësia e tyre për të përdorur masa të njëanshme shtrënguese, për të respektuar ligjin ndërkombëtar, për të përmbushur angazhimet e tyre për të hequr plotësisht dhe në mënyrë efektive sanksionet[kundër Teheranit dhe për të marrë vendimet e nevojshme në këtë drejtim, ”tha të Mërkurën Kazem Gharibabadi në një fjalim në një takim të Bordit të Guvernatorëve të Agjencisë Ndërkombëtare të Energjisë Atomike (ANEA). "Kanë kaluar tre vjet që kur SHBA morën një vendim të njëanshëm e të pajustifikuar për të lënë marrëveshjen bërthamore, shkelën angazhimet e tyre sipas marrëveshjes, minuan Rezolutën 2231 të Këshillit të Sigurimit të OKB që ratifikoi marrëveshjen dhe ndoqën politikën e dështuar të presionit maksimal kundër Teheranit", tha ai. Në fjalën e tij, i dërguari iranian gjithashtu vuri në dukje bisedimet e Vjenës mbi ringjalljen e mundshme të marrëveshjes bërthamore dhe kthimin e SHBA në përputhje të plotë me këtë marrëveshje. Kazem Gharibabadi shtoi se topi ishte në fushën e SHBA-së për të provuar pajtueshmërinë e saj me ligjin ndërkombëtar. Megjithatë, "Irani, nga ana e tij, ka thënë se do të kthejë hapat e tij kompensues dhe do të rifillojë angazhimet e tij bërthamore pasi palët e tjera të kenë zbatuar angazhimet e tyre, në veçanti, heqjen plotësisht të sanksioneve, në mënyrë të verifikueshme, ”vuri në dukje ai.