Fituesi i zgjedhjeve është populli iranian
Lideri Suprem i Revolucionit Islamik, Ajetollah Khamenei, përshëndeti pjesëmarrjen "epike" në zgjedhjet presidenciale iraniane të 18 Qershorit 2021, duke thënë se fituesi "i madh" i kësaj vote vendimtare është vetë populli, vullneti i tij i hekurt nuk është thyer as nga pandemia as nga përpjekjet për të krijuar zhgënjim dhe dëshpërim.
"Skenat e admirueshme të tubimeve tuaja në qendrat e votimit të vendit ishin një shenjë e qartë e vullnetit tuaj të hekurt, zemrës suaj shpresëdhënëse dhe syve tuaj vigjilentë," tha Lideri Suprem i Revolucionit Islamik. "Fituesi i madh i zgjedhjeve të Premten ishte kombi iranian, i cili edhe një herë qëndroi përballë fushatës propagandistike të kryer nga media mercenare e armikut dhe tundimeve të shpifësve për të shfaqur praninë e tyre në zemër të fushës politike," shtoi ai. Të Premten, 18 Qershor, shumica e iranianëve i thanë një "JO" të madhe kolonializmit modus operandi i cili, përmes një sistemi të falimentuar neo-liberal, vazhdon të gërryejë pjesën më të madhe të planetit. Me armët e saj më të mira mediatike, rrjetet e saj sociale të gjera e të lidhura me shërbimet e saj sekrete dhe mijëra agjentë të saj të konvertuar në gazetarë, rreth 500 prej të cilëve janë ende në Iran, Perandoria Amerikane nuk do të mohojë atë që ndodhi të Premten në Iran: populli iranian e ka pohuar veten e tij si pjesë e Rezistencës. Në zhargonin mediatik të Perandorisë, "vija e ashpër" do të thotë "diametralisht e kundërt me maksimalizmin, me ekspansionizmin" e një boshti SHBA/ Sionizëm. Tre kandidatët "ultra konservatorë" kanë fituar më shumë se 90% të votave për një normë pjesëmarrjeje që i afrohet 54% dhe është Ebrahim Raisi, "më ultrakonservatori nga të gjithë" që fitoi, me më shumë se 17.8 milion vota nga gjithsej 28 milion. Epo, kjo përmbys të gjitha llogaritjet e një Perandorie e cila ka përdorur dhe abuzuar me "sanksionet më të ashpra në histori" kundër iranianëve, "kërcënime, përplasje ushtarake", vrasje të komandantëve të lartë ushtarakë, shkencëtarëve bërthamorë, sulme ndaj cisternave të naftës, sulme kibernetike ... Dhe e gjithë kjo, në sfondin e një fushate histerike mediatike që bërtet me të madhe: "Irani është gati të kapitullojë". Por jo, Irani nuk është dorëzuar dhe nuk do të dorëzohet! Në negociatat bërthamore, meqenëse kjo është pika kryesore e kampit përballë, është ky zë i fortë që do të flasë tani e tutje: jo aq për të ndërprerë dialogun me pjesën tjetër të botës, por për të mos lejuar më që një fuqi në rënie si Amerika të guxojë të nënshkruajë një dokument të njohur ndërkombëtar (marrëveshjen bërthamore) dhe pastaj ta grisë atë, në kundërshtim me aleatët e vet dhe mbi të gjitha në kurriz të tyre. Këtë "linjë të ashpër", iranianët e kanë miratuar jo vetëm për veten e tyre, por edhe për popujt e Rezistencës të cilët në Palestinë, Irak, Siri, Jemen dhe Liban i kanë provuar pjesës tjetër të planetit se Perandoria nuk është më dhe se secili komb mund të bëhet zot i fatit të vet.
