Kalibaf: Parlamenti është gati për bashkëpunim gjithëpërfshirës me qeverinë e zgjedhur

Kryetari i Asamblesë Konsultative Islamike të Iranit tha: Asambleja Konsultative Islamike, duke ruajtur pavarësinë e pushteteve dhe duke kryer detyrat e saj ligjore, me ndjeshmëri të plotë dhe bashkëpunim gjithëpërfshirës me qeverinë e zgjedhur të kombit, do të dalë në plan të parë për të zgjidhur problemet e njerëzve.

Sipas agjencisë IRNA, Mohammad Baqer Kalibaf në fillim të seancës parlamentare sot, e hënë, duke e uruar për ditëlindjen e bekuar të Hazretit Ali ibn Musa al-Reza (AS) tha: Këto ditë, një ngjarje e rëndësishme ndodhi në historinë e vendit dhe falë Zotit dhe udhëzimit të zgjuar të udhëheqësit të mençur të revolucionit, populli fisnik dhe i dashur i Iranit krijoi edhe një herë një epikë të madhe, në kundërshtim me parashikimet fillestare.  Ai tha: Pavarësisht shqetësimeve për përhapjen e koronavirusit dhe përkundër bezdisjeve të shumta me situatën ekonomike, kostove të larta dhe joefikasitetit, njerëzit shkuan në qendrat e votimit dhe dhanë mbështetjen popullore për shtetin, për të ngritur lart Iranin e dashur, për të ruajtur sigurinë dhe unitetin kombëtar, si dhe për të parandaluar  armiqtë.  Kryetari i Asamblesë Konsultative Islamike të Iranit shtoi: Ne, si përfaqësues të popullit në Asamblenë Konsultative Islamike, ndërsa falënderojmë sinqerisht kombin e mençur dhe fisnik të Iranit, deklarojmë se kombi i nderuar i Iranit, me praninë e vet, u ka dhënë zyrtarëve një mbështetje më shumë se kurrë dhe për këtë funksionarët premtojnë se nuk do të qëndrojnë as edhe një ditë pa u përpjekur  në kuadër të mirëqenies dhe qetësisë dhe nuk do të kalojnë asnjë natë pa u shqetësuar për jetën e këtij populli.