Takht-e Revançi paralajmëron për situatën e sigurisë në Afganistan

Përfaqësuesi i Përhershëm i Republikës Islamike të Iranit në Kombet e Bashkuara të martën e quajti situatën e sigurisë në Afganistan një burim shqetësimi serioz dhe tha se një valë e re e dhunës dhe vëllavrasjes së mundshme në Afganistan mund të çonte vetëm në një cikël të ri të pasigurisë dhe paqëndrueshmërisë, dhe se rajoni dhe bota nuk mund ta durojnë këtë gjë.

Sipas agjencisë IRNA, "Majid Takht-e Revançi" në mbledhjen e Këshillit të Sigurimit të KB mbi Afganistanin, duke iu referuar tërheqjes së trupave të huaja nga vendi deklaroi:  Me tërheqjen e trupave të huaja nga Afganistani, Talebanët nuk kanë asnjë justifikim për përdorimin e forcës.  Prandaj, ajo duhet të ndalojë dhunën dhe të shfrytëzojë këtë mundësi të paparë përmes mjeteve politike për të kontribuar sinqerisht në vendosjen e paqes së qëndrueshme në Afganistan. Takht Revançi shtoi: Të drejtat e pakicave etnike dhe fetare dhe grave, e drejta e vetëvendosjes përmes zgjedhjeve, institucioneve të vendosura me kushtetutë, si dhe një angazhim për luftën kundër terrorizmit, duhet të jenë në zemër të çdo procesi paqeje në Afganistan. Përfaqësuesi i Përhershëm i Iranit në Kombet e Bashkuara theksoi se me tërheqjen e trupave të huaja, ushtria afgane dhe forcat e sigurisë duhet të mbështeten në mënyrë efektive dhe aftësia e tyre për të luftuar prodhimin dhe trafikimin e lëndëve narkotike, e cila është një burim i financimit për terrorizëm dhe krime të tjera, duhet të forcohen. "Takht-e Revançi" përfundoi duke theksuar se Republika Islamike e Iranit gjithmonë ka qëndruar pranë Afganistanit dhe shtoi: Republika Islamike e Iranit edhe një herë u bën thirrje të gjitha palëve në Afganistan, përfshirë Talebanët, të vendosin interesat e të gjithë afganëve mbi interesat e të tjerëve.