Konsultimet e delegacionit iranian në Nursultan mbi procesin e paqes në Siri

Këshilltari i Lartë i Ministrit të Jashtëm iranian për çështje të veçanta politike vazhdoi konsultat e tij në Nursultan mbi procesin e paqes në Siri.

Ali Asghar Khaji, Këshilltar i Lartë i Ministrit të Jashtëm Iranian për Çështjet e Posaçme Politike, të Mërkurën, në ditën e parë të raundit të 16-të të takimit ndërkombëtar të Astanasë, u takua me delegacionet e Sirisë, Rusisë, Turqisë dhe Përfaqësuesit Special të Sekretarit të Përgjithshëm të KB për Sirinë, Geir Pederson. Gjatë takimit u diskutuan përpjekjet për stabilitetin politik në Siri, mbajtjen e zgjedhjeve, përpjekjet për të mbajtur takimin e gjashtë të Komitetit Kushtetues në Gjenevë, çështja e kalimit të kufijve dhe sanksionet e SHBA kundër Sirisë. Në këto takime, delegacioni i Republikës Islamike të Iranit shprehu qëndrimet e tij në luftën kundër terrorizmit, ndihmën humanitare dhe kundërshtimin ndaj vazhdimit të sanksioneve të SHBA kundër Sirisë. Gjatë takimit, palët diskutuan edhe mbi marrëdhëniet dypalëshe, si dhe zhvillimet e fundit politike dhe të terrenit në Siri. Ata gjithashtu diskutuan për situatën brenda dhe jashtë vendit, duke përfshirë situatën humanitare dhe mbajtjen e një takimi të ardhshëm të vendeve që sponsorizojnë procesin e Astana.