Karvani Olimpik i Iranit qëndroi në vendin e katërt në Azi

Karvani olimpik iranian fitoi tre medalje ari, dy argjendi dhe dy bronzi dhe u rendit i katërti në mesin e vendeve aziatike.

Sipas agjencisë IRNA, Lojërat Olimpike të Tokios 2020, pas shumë ulje-ngritjeve për shkak të shpërthimit të pandemisë së koronavirusit dhe frikës nga një rritje e numrit të rasteve të Covid-19 në Japoni, më në fund u mbajtën me sukses dhe përfunduan sot (e dielë) me një ceremoni përmbyllëse. Sportistët iranianë në Lojërat Olimpike fituan tre medalje ari, dy argjendi dhe dy bronzi në këtë periudhë të garave. Në ditën e dytë të Lojërave Olimpike, Xhavad Foroughi fitoi medaljen e artë më të papritur për Iranin dhe u bë medalisti më i vjetër iranian në historinë e Olimpiadës në moshën 42 vjeç. Mohammad Reza Garai ishte medalisti i dytë i artë për Iranin dhe medalisti i parë i artë në mundje në peshën 67 kg. Ali Davoodi, peshëngritësi i parë iranian me një rekord prej 441 kg dhe medalja e argjendit në Lojërat Olimpike të Tokios, përfundoi një dekadë të dështimit të Iranit në kategorinë super të rëndë. Medalja e dytë e argjendit në mundjen e lirë u fitua nga Hasan Yazdani (86 kg) në finalen e kësaj peshe. Mohammad Hadi Sarvi mundësi iranian në peshën 97 kg, fitoi një medalje bronzi me një fitore mbi një mundës finlandez. Mundësi Amir Hosein Zare (125 kg) i Iranit gjithashtu fitoi një medalje bronzi me një fitore ndaj përfaqësuesit të Kinës. Saxhad Ganjzadeh në paraqitjen e tij të parë në karate në Olimpiadë fitoi medaljen e artë. Pas Olimpiadës së Tokios, Karvani Olimpik i Iranit u rendit i 27 -i në botë dhe  4 -ti në Azi.