Presidenti kinez: I kushtoj rëndësi të madhe zhvillimit të marrëdhënieve Kinë-Iran

Presidenti kinez Xi Jinping publikoi një mesazh të hënën duke uruar Iranin për 50 vjetorin e krijimit të marrëdhënieve politike Iran-Kinë.

Presidenti Xi Jinping tha në mesazhin e tij drejtuar Presidentit iranian Ebrahim Raisi se ai është i gatshëm të forcojë bashkëpunimin midis dy shteteve në fusha të ndryshme me bashkëpunimin e Presidentit Raisi. Ai vuri në dukje se që nga krijimi i lidhjeve diplomatike gjysmë shekulli më parë, marrëdhëniet midis Kinës dhe Iranit janë zhvilluar në mënyrë të qëndrueshme dhe miqësia tradicionale midis dy vendeve është forcuar me kalimin e kohës. Që nga themelimi i partneritetit strategjik gjithëpërfshirës Kinë-Iran, besimi i ndërsjellë politik midis të dy palëve është konsoliduar më tej dhe bashkëpunimi reciprokisht i dobishëm në fusha të ndryshme ka dëshmuar përparim të qëndrueshëm, shtoi Presidenti kinez Xi Jinping. I kushtoj rëndësi të madhe zhvillimit të marrëdhënieve Kinë-Iran dhe jam i gatshëm të punoj me Presidentin Raisi për të shfrytëzuar  50 vjetorin si një mundësi për të thelluar miqësinë tradicionale, për të avancuar bashkëpunimin e thellë dhe praktik në fusha të ndryshme dhe për të pasuruar përmbajtjen e Partneriteti strategjik gjithëpërfshirës Kinë-Iran, në mënyrë që të përfitojnë dy vendet dhe dy popujt, theksoi Presidenti kinez.