Ministri i Jashtëm iranian thekson ruajtjen e sigurisë dhe stabilitetit në Afganistan

Në mesazhin e tij në Twitter, Ministri i Jashtëm iranian theksoi nevojën për të ruajtur sigurinë dhe stabilitetin në Afganistan.

Ministri i Jashtëm iranian Hossein Amir Abdullahian në një mesazh në Twitter shkroi: "Takimi virtual i ministrave të jashtëm të gjashtë vendeve fqinje të Afganistanit theksoi sigurinë, stabilitetin dhe zhvillimin e këtij vendi." "Përdorimi i mjeteve ushtarake dhe ndërhyrja e huaj është përsëritje e një gabimi që ka ndodhur disa herë në historinë bashkëkohore të Afganistanit dhe të gjithë duhet t'i përmbahen dialogut si një parim i mirëfilltë," tha ai. Amir Abdullahian më tej shkroi: "Ky takim u përqendrua në formimin e një qeverie gjithëpërfshirëse që reflekton diversitetin dhe vullnetin e shoqërisë afgane, dhe theksoi dialogun në vend të dhunës dhe refuzimin e ndërhyrjes së huaj." Një takim virtual i ministrave të jashtëm të gjashtë fqinjëve të Afganistanit, përfshirë Iranin, Kinën, Pakistanin, Uzbekistanin, Taxhikistanin dhe Turkmenistanin, u mbajt të Mërkurën për të shqyrtuar zhvillimet në Afganistan. Takimi u zhvillua  një ditë pasi talebanët njoftuan formimin e një qeverie të përkohshme në Afganistan.