Irani nënvizon rëndësinë e çarmatimit bërthamor të SHBA dhe Izraelit
Duke folur me rastin e Ditës Ndërkombëtare kundër Testeve Bërthamore, ambasadori i Iranit në OKB nënvizoi nevojën për çarmatimin e poseduesve të armëve bërthamore në botë, më e rëndësishmja SHBA dhe Izraeli.
Maxhid Takht Ravanchi, i cili foli në një takim të Asamblesë së Përgjithshme të Kombeve të Bashkuara të mbajtur për të shënuar këtë ditë, tha se Shtetet e Bashkuara ishin shteti me më shumë armë bërthamore në botë që kishte kryer shumicën e testeve bërthamore që nga viti 1945. Gjatë gjithë kësaj periudhe, "janë kryer rreth 2,000 teste, 1,054 prej të cilave nga SHBA", tha ai në takimin e së Mërkurës, duke shtuar: "Këto teste të dënueshme janë përdorur si hapa paraprakë drejt prodhimit, përhapjes dhe madje edhe përdorimit të armëve bërthamore. ” "Pasojat shkatërruese të testeve bërthamore reflektohen ndër breza, me një ndikim të gjerë dhe të thellë jo vetëm tek njerëzit, por edhe në planetin tonë," theksoi ambasadori i Iranit në OKB. Ai më tej i bëri thirrje komunitetit ndërkombëtar kundër tolerancës së vazhdueshme ndaj posedimit të armëve të tilla nga regjimi izraelit - aleati më i çmuar i Shteteve të Bashkuara në Lindjen e Mesme që posedon qindra mbushje bërthamore. "Duke pasur parasysh përvojën e hidhur të së kaluarës, është bindja jonë se çarmatimi bërthamor është dhe duhet të mbetet një përparësi kryesore për bashkësinë ndërkombëtare. Vetë mbijetesa e njerëzimit varet nga pajtueshmëria jonë e palëkundur me faktin se armët bërthamore nuk duhet të dislokohen kurrë dhe, për më tepër, duhet të zhduken përgjithmonë. Prandaj, ne theksojmë se moratoriumi për të ndaluar testet bërthamore nuk zëvendëson një detyrim ligjërisht obligues," deklaroi Maxhid Takht Ravanchi.
