Ekspozita e krimeve të grupeve terroriste dhe separatiste në Khuzestan

Ekspozita e krimeve të grupit terrorist dhe separatist "Lëvizja Al Ahvaz" u mbajt në Ahvaz, qendra e provincës Khuzestan, në jugperëndim të Iranit.

Sipas agjencisë së lajmeve Tasnim të premten, në ekspozitën e krimeve të grupit terrorist dhe separatist "Lëvizja Al-Ahvaz", u dokumentuan aktet terroriste dhe kriminale të këtij grupi dhe elementëve të këtij grupi separatist. Grupi ka qenë i lidhur me shërbimet e inteligjencës të Arabisë Saudite. Në këtë ekspozitë u ekspozuan edhe disa nga armët dhe municionet e zbuluara nga ky grup terrorist. Farajullah Chaab, lideri i grupit terrorist al-Ahvaz, autori kryesor i sulmeve terroriste në jugperëndim të Iranit, u identifikua dhe u arrestua nga forcat iraniane të sigurisë vitin e kaluar. Terroristët e Al-Ahvaz, më 22 shtator 2018, në margjinat e paradës së Forcave të Armatosura të Republikës Islamike të Iranit në Ahvaz, qëlluan në drejtim të spektatorëve, si pasojë e të cilëve 25 persona ranë dëshmorë dhe mbi 60 të tjerë u plagosën.