Bisedimet e Vjenës, fokusi i takimit mes Bagheri Kani dhe Ryabkov

Zëvendësministri i Jashtëm iranian u takua me zëvendësministrin rus dhe diskutoi në lidhje me bisedimet e Vjenës.

Sipas një raporti nga Agjencia iraniane e lajmeve ISNA, Zëvendësministri i Jashtëm iranian Ali Bagheri Kani, i cili ndodhet në Moskë, u takua të martën me zëvendësministrin e jashtëm rus Sergei Ryabkov në Ministrinë e Jashtme ruse. Gjatë takimit ku ishte i pranishëm edhe Kazem Xhalali, ambasadori i Republikës Islamike të Iranit në Rusi, u diskutuan dhe u shkëmbyen mendime për zhvillimet e fundit në bisedimet mes Iranit dhe G4 + 1 në Vjenë. Gjatë takimit, të dy palët theksuan nevojën e vazhdimit të konsultimeve dhe kontakteve midis dy vendeve për çështjet ndërkombëtare dhe për bisedimet e ardhshme midis Iranit dhe G4 + 1 në Vjenë.Bisedimet mbi heqjen e sanksioneve kundër Iranit filluan në Vjenë javën e kaluar (29 nëntor).Gjatë bisedimeve, Irani i paraqiti palës tjetër dy dokumente në dy fushat e heqjes së sanksioneve amerikane dhe angazhimeve bërthamore.