Bagheri Kani: Ndërprerja e bisedimeve nuk ishte dëshirë e Iranit

“Ali Bagheri Kani”, zëvendësi politik i ministrit të Jashtëm iranian, ka thënë: Në këtë fazë, Irani nuk donte të ndalonte bisedimet në Vjenë, por ne u pajtuam që në fillim se duhet të pushojmë pas arritjes së projekt-marrëveshjes.

Bagheri Kani shtoi: "Irani theksoi që në fillim nevojën për të vazhduar negociatat për të arritur një draft të rënë dakord." Zëvendësministri i Jashtëm iranian gjithashtu tha: Nëse pala tjetër pranon pikëpamjet dhe qëndrimet racionale të Republikës Islamike të Iranit, raundi i ri i bisedimeve mund të jetë raundi i  fundit i negociatave dhe ne mund të arrijmë një marrëveshje sa më shpejt që të jetë e mundur. Bagheri Kani vuri në dukje se: ️Shpejtësia e arritjes së një marrëveshjeje varet nga pala tjetër. Në raundin e shtatë të bisedimeve, ekipi negociator iranian, përmes një nisme serioze, i prezantoi palës tjetër tekstet e tij të propozuara në formën e dy çështjeve: "heqja e sanksioneve shtypëse" dhe "çështjet bërthamore". Republika Islamike e Iranit, si një vend përgjegjës, ka deklaruar vazhdimisht se duke qenë se Shtetet e Bashkuara janë një palë që ka shkelur marrëveshjen bërthamore, ajo duhet t'i kthehet marrëveshjes duke hequr sanksionet dhe se përmbushja e detyrimeve të SHBA-së duhet të bëhet në formë të verifikueshme.