Irani kritikon indiferencën e institucioneve ndërkombëtare ndaj refugjatëve afganë

Zëvendësministri i Brendshëm i Iranit kritikoi dështimin e vendeve evropiane dhe institucioneve ndërkombëtare për të ndihmuar Iranin në pranimin e refugjatëve afganë.

Sipas IRNA, Zëvendësministri i Brendshëm iranian Sejed Majid Mirahmadi të shtunën gjatë një takimi me zëvendësministren e Jashtme bullgare Valislava Petrova në Teheran iu referua valës së refugjatëve afganë pas zhvillimeve të fundit në atë vend dhe tha se më shumë se pesë milionë refugjatë afganë në Iran mbahen në kampe përqendrimi. Mirahmadi rikujtoi se Republika Islamike e Iranit në një aksion humanitar, ndryshe nga shumë vende që pretendojnë të drejtat e njeriut, i ka mirëpritur këta emigrantë dhe shtoi se emigrantët afganë kanë përdorur objekte dhe mallra të subvencionuara ashtu si qytetarët iranianë. Zëvendësministri i Brendshëm i Iranit deklaroi se Komisioneri i Lartë i OKB-së për Refugjatët ka paguar më pak se një të mijtën e kostos që Irani paguan për refugjatët afganë. Megjithatë, disa vende, me më pak refugjatë, marrin më shumë fonde nga këto institucione ndërkombëtare. Mirahmadi kërkoi gjithashtu bashkëpunimin e Bullgarisë dhe vendeve evropiane me Iranin në luftën kundër drogës. Pavarësisht sanksioneve, Irani ka numrin më të lartë të zbulimeve të drogës në botë, me më shumë se 1000 ton lëndë narkotike të sekuestruara çdo vit. Kombet e Bashkuara e kanë emëruar Iranin si flamurtarin e luftës kundër drogës.