Agjencia bërthamore e Iranit fik kamerat e ANEA

Agjencia bërthamore e Iranit ka njoftuar planet për të fikur disa kamera vëzhgimi të Agjencisë Ndërkombëtare të Energjisë Atomike (ANEA), operacioni i të cilave konsiderohet përtej detyrimeve të Iranit sipas marrëveshjes me agjencinë e OKB-së.

Organizata e Energjisë Atomike e Iranit (AEOI) në një deklaratë të mërkurën tha se kamerat e vëzhgimit të ANEA në impiantet e pasurimit të centrifugave me gaz është vendosur të fiken. “Republika Islamike e Iranit deri më tani ka pasur bashkëpunim të gjerë me ANEA, por për fat të keq, pasi nuk ka marrë në konsideratë një bashkëpunim të tillë i cili ka ardhur nga vullneti i mirë i Iranit, Agjencia Ndërkombëtare e Energjisë Atomike nuk e ka vlerësuar atë, dhe përkundrazi e ka konsideruar si detyrë”, thuhej në deklaratë. Agjencia bërthamore e Iranit shtoi se si pasojë, Irani ka “vendosur që funksionimi i kamerave të Monitorimit duhet të ndalet nga sot. Autoritetet përkatëse janë urdhëruar të ndërmarrin hapin.” Më shumë se 80% e kamerave ekzistuese të ANEA funksionojnë sipas marrëveshjes dypalëshe, e cila do të jetë në fuqi dhe do të vazhdojë të funksionojë si zakonisht, vuri në dukje agjencia bërthamore e Iranit.