Ministrat e Jashtëm të Iranit dhe Irakut diskutuan marrëdhëniet dypalëshe

Ministri i Jashtëm i Iranit Hossein Amir-Abdollahian dhe homologu i tij irakian Fuad Hussein biseduan në telefon të dielën, duke diskutuar çështje me interes të përbashkët.

Sipas një deklarate të lëshuar nga Ministria e Jashtme iraniane, të dy diplomatët diskutuan marrëdhëniet Teheran-Bagdad dhe theksuan nevojën për të ndjekur marrëveshjet e arritura më parë për të rritur marrëdhëniet. Ata diskutuan gjithashtu mënyrat për të lehtësuar vizitat e pelegrinëve iranianë dhe irakianë në objektet fetare në secilin vend me rastin e eventeve islame, veçanërisht Arbainit të Imam Huseinit (a.s). Amir-Abdollahian shprehu mirënjohjen për ndihmën e Irakut për dërgimin e pelegrinëve iranianë në Arabinë Saudite për pelegrinazhin vjetor të Haxhit që përfundoi në Mekë të shtunën. Kryediplomati i Irakut, nga ana e tij, shpalli gatishmërinë e vendit të tij për të vazhduar përpjekjet për lehtësimin e pelegrinazheve në ceremoni të ndryshme islame. Ai gjithashtu njoftoi gatishmërinë e Irakut për të mbajtur ceremoninë e Arbainit të këtij viti në mënyrën më të mirë të mundshme.