Perëndimi kërkon të pengojë Iranin të prodhojë karburant bërthamor

Kreu i Organizatës së Energjisë Atomike të Iranit (AEOI) tha se Perëndimi ka kërkuar gjithmonë të parandalojë Republikën Islamike të arrijë majat e shkencës dhe nuk ka lënë gur pa lëvizur për të ndaluar kthimin e vendit në një prodhues të karburantit bërthamor.

Mohammad Eslami i bëri këto komente të dielën në një fjalim drejtuar drejtorëve të sektorit iranian të arsimit në Teheran. “Të gjithë duhet ta dinë se cikli i karburantit bërthamor është një cikël që prodhon energji dhe nuk ka të bëjë fare me ndërtimin e një bombe. Ata ngrenë akuza të rreme kundër Iranit dhe padrejtësisht na akuzojnë për përpjekje për të prodhuar një bombë bërthamore, vetëm sepse nuk duan që ne të fitojmë teknologji bërthamore" ,tha ai. “Megjithë kundërshtimin e ashpër të shprehur vitet e fundit për prodhimin e ujit të rëndë në Iran, ne kemi arritur të ndërtojmë ekspertizën tonë përkatëse si në industrinë atomike, ashtu edhe në sektorin molekular. Teknologjia bërthamore është një biznes fitimprurës dhe mund të përdoret në sfera të ndryshme dhe mund të shfrytëzohet për të zhvilluar fuqinë e vendit,” tha Eslami. Ai tha se vendet perëndimore po përdorin pretekstin se Teherani po zhvillon një bombë bërthamore dhe kundërshtojnë prodhimin e ujit të rëndë nga Irani, pasi ata e dinë se ky është një manifestim i fuqisë së tij shkencore. Eslami vuri në dukje se Perëndimi është kundër hyrjes së Iranit në fushën e teknologjive të reja, pasi një arritje e tillë do ta vendosë vendin në mesin e vendeve më të fuqishme.