Amir Abdullahian: Shkëmbimi i mesazheve mes Amerikës dhe Iranit është në vazhdim

Ministri i Jashtëm Husein Amir Abdullahian, Ministri i Punëve të Jashtme të Iranit njoftoi: Shkëmbimi i mesazheve mes SHBA-së dhe Iranit përmes disa ministrave të jashtëm dhe koordinatorëve të huaj vazhdon.

Sipas IRNA, Amir Abdullahian në një takim me Faisal Moqdad në margjinat e Asamblesë së Përgjithshme të OKB-së në Nju Jork për procesin e negociatave bërthamore tha: Shkëmbimi i mesazheve mes SHBA-së dhe Iranit përmes disa ministrave të jashtëm dhe koordinatorëve është në vazhdim. Ai deklaroi:  Duke adoptuar një qasje racionale, Irani ndjek rrugën e diplomacisë dhe këmbëngul për një marrëveshje të qëndrueshme që garanton përfitimet e tij ekonomike. Duke hedhur poshtë çdo ndërhyrje të huaj në çështjet siriane dhe masat destabilizuese në rajonin e Azisë Perëndimore, Amir Abdullahian vuri në dukje se: Bashkëpunimi i përbashkët i dy vendeve në vitet e kaluara për të luftuar terrorizmin dhe ekstremizmin dhe në të njëjtën kohë përdorimi i formatit të vendeve garantuese të procesit të Astanës çoi në një kthim më të shpejtë të paqes dhe qetësisë në Siri. Në takimin mes ministrit të Jashtëm sirian Faisal Moqdad dhe ministrit të Jashtëm iranian Husein Amir Abdullahian në margjinat e Asamblesë së Përgjithshme të Kombeve të Bashkuara në Nju Jork, u diskutua edhe për çështje me interes të përbashkët në arenën dypalëshe dhe për disa çështje rajonale dhe ndërkombëtare. Faisal Moqdad, Ministri i Punëve të Jashtme të Sirisë, gjithashtu shprehu vlerësimin e tij për rolin e rëndësishëm të Iranit për të ndihmuar në vendosjen e paqes dhe sigurisë në rajon dhe në luftimin efektiv të terrorizmit. Bashkëpunimi ndërmjet Teheranit dhe Damaskut vazhdon në mënyrën më të mirë në nivel rajonal dhe ndërkombëtar.