Ndërtimi i satelitit të parashikimit të tërmeteve në Iran

Kreu i Organizatës së Kërkimeve Shkencore dhe Industriale të Iranit njoftoi ndërtimin e një sateliti për parashikimin e tërmetit të quajtur Ajat në këtë organizatë.

Sipas agjencisë së lajmeve IRIB, Hasan Zamanian, kreu i Organizatës së Kërkimeve Shkencore dhe Industriale të Iranit, në takimin e 57-të të drejtuesve të kërkimit dhe teknologjisë të universiteteve dhe qendrave të arsimit të lartë, kërkimit dhe teknologjisë, tha: "Në Organizatën e Kërkimeve Shkencore dhe Industriale të Iranit, shumë projekte të rëndësishme teknologjike janë në zhvillim e sipër dhe ndër këto projekte janë prodhimi i makinerive kirurgjikale lazer, aparati portativ për dializë dhe ndërtimi i satelitit Ajat për parashikimin e tërmeteve. Lidhur me aspektet ndërkombëtare të aktiviteteve të Organizatës së Kërkimeve Shkencore dhe Industriale të Iranit, kreu i kësaj organizate tha: Kjo organizatë është qendra e Unionit të Vendeve të Oqeanit Indian në Iran dhe së shpejti do të themelojë një qendër ndërkombëtare për parashikimin e tërmeteve në të gjithë botën. Zamanian shtoi: Rrjeti i parqeve shkencore dhe teknologjike të Unionit të Oqeanit Indian u formua me sugjerimin e Organizatës së Kërkimeve Shkencore dhe Industriale të Iranit dhe kjo organizatë ka lidhur dy marrëveshje ndërkombëtare në kornizën e këtij rrjeti.