Zbulohet një ngarkese me armë dhe municione në veriperëndim të Iranit

Baza e forcës tokësore Hamza Seyed Al-Shuhada (AS) e Korpusit të Gardës Revolucionare Islamike njoftoi zbulimin e një dërgese me armë dhe municione në qytetin Mahabad, në veriperëndim të Iranit.

Sipas IRNA, kampi Hamza Seyed al-Shuhada (AS) i Forcave Tokësore të Gardës Revolucionare në një njoftim tha se me vëzhgimin dhe përpjekjet e inteligjencës së ushtarëve të kampit Hamza Seyed Al-Shuhada (AS), një ngarkesë me armë dhe municione duke përfshirë një numër të konsiderueshëm armësh luftarake të prodhimit amerikan u gjetën dhe u konfiskuan në qytetin Mahabad. Ky njoftim shton se elementët oportunistë dhe antisiguri planifikonin t'ua shpërndanin këtë dërgesë armësh rebelëve dhe kishin në planin që  t'i transferonin në provincat qendrore të Iranit. Në vazhdim të njoftimit të bazës së Hamza Sejed al-Shuhada (a.s.) të forcës tokësore të IRGC-së, këto arrestime dhe dëshmi të tjera tregojnë se antirevolucionarët dhe kundërshtarët kanë bërë të gjitha përpjekjet e tyre për sigurimin dhe shpërndarjen e armëve dhe municioneve në mesin e rebelëve, për të intensifikuar trazirat dhe tensionet në Iran, të cilat deri më tani janë penguar nga veprimet në kohë të Gardës Revolucionare dhe forcave të tjera të sigurisë dhe zbatimit të ligjit. Shfaqja e trazirave të fundit në Iran me pretekstin e vdekjes së "Mahsa Amini" bëri që armiqtë e jashtëm të Republikës Islamike të Iranit ta përdorin atë si një mundësi për të ndërhyrë në punët e brendshme të Iranit dhe për të nxitur sa më shumë trazira. Në trazirat e fundit, liderët politikë të Amerikës dhe ndonjëherë edhe të Evropës, mediat e tyre si dhe mediat persiane të mbështetura nga perëndimi, keqpërdorën këtë incident tragjik që po hetohet dhe mbështetën vandalët dhe rebelët me parullën e mbështetjes së të drejtave të popullit iranian. Në të njëjtën kohë, miliona iranianë mbështetën shtetin dhe vendin e tyre dhe kundërshtuan kaosin duke u mbledhur në rrugët dhe sheshet e vendit.