Sanksionet e reja të Bashkimit Evropian kundër Iranit

Bashkimi Evropian, duke vazhduar qëndrimet e tij ndërhyrëse ndaj Iranit, vendosi sanksione të reja me pretekstin e çështjeve të të drejtave të njeriut dhe pretendimin gjoja të pjesëmarrjes së Iranit në luftën e Ukrainës bashkë me Rusinë.

Sipas IRNA, ministrat e jashtëm të 27 vendeve evropiane miratuan një paketë të re sanksionesh që synojnë 20 personalitete iraniane dhe një institucion nën pretekstin e çështjeve të të drejtave të njeriut. Gjithashtu, 4 personalitete iraniane dhe 4 subjekte të tjera i janë shtuar listës së sanksioneve të Bashkimit Evropian bazuar në pretendimin e rremë për  gjoja pjesëmarrje në luftën në Ukrainë. Vendet perëndimore, veçanërisht Shtetet e Bashkuara, që nga fillimi i luftës kanë dërguar miliarda dollarë pajisje ushtarake në Ukrainë në dhe për një kohë të gjatë kanë akuzuar Iranin për dërgimin e dronëve në Rusi në luftën në Ukrainë. Pasuritë e individëve dhe organizatave të sanksionuara u ngrinë dhe kompanitë dhe qytetarët e BE-së u ndaluan të kryejnë marrëdhënie financiare me të sanksionuarit.  “Nasser Kanani”, zëdhënësi i Ministrisë së Jashtme iraniane, në një konferencë për shtyp, dënoi veprimet anti-iraniane të Perëndimit, duke i konsideruar ato joproduktive dhe kontradiktore me Kartën e Kombeve të Bashkuara dhe rregulloret dhe mekanizmat ndërkombëtarë dhe sqaroi se vendet nuk kanë të drejtë të ndërhyjnë në punët e brendshme të vendeve të pavarura. Duke iu referuar të drejtës së Iranit për t’iu kundërpërgjigjur sanksioneve të vendosura, ai shtoi: Republika Islamike e Iranit nuk do të hezitojë të përdorë kapacitetet dhe aftësitë e saj dhe të drejtat ligjore për të penguar sjelljen e gabuar dhe jokonstruktive të këtyre vendeve. Çdo sjellje joproduktive do të rezultojë me përgjigje dhe veprim në kohë.