Ajatollah Khatami: E kam per nder qe BE me ka sanksionuar

Imami i përkohshëm i Namazit të së Premtes në Teheran, Ajatollah Ahmad Khatami, ka sulmuar Bashkimin Evropian për vendosjen e sanksioneve ndaj tij dhe një numri zyrtarësh iranianë lidhur me shkeljet e dyshuara të të drejtave të njeriut, duke thënë se masa armiqësore e BE-së ishte një burim nderi për të.

Në  namazin e së premtes në Teheran , Ajatollah Khatami tha se BE kishte një histori "të zezë" të të drejtave të njeriut. "Gjatë dekadës së fundit, Bashkimi Evropian ka vepruar si një koloni amerikane dhe ka bërë gjithçka që Shtetet e Bashkuara kanë kërkuar".Ai tha se vetëm BE-ja mbështet regjimin vrasës të fëmijëve dhe grave të Izraelit dhe për këtë arsye blloku evropian"është në krye të listës së shkelësve të të drejtave të njeriut". Ajatollah Khatami tha se është "nderi i tij i përjetshëm" që BE ka vendosur sanksione ndaj tij, duke u zotuar të vazhdojë të demaskoojë aktet e egra të bllokut evropian. Ministrat e Jashtëm të Bashkimit Evropian ranë dakord të hënën të vendosin sanksione të reja ndaj një numri individësh dhe subjektesh iraniane lidhur me goditjen e supozuar të protestave të fundit dhe dërgesave të dronëve në Rusi për përdorim në luftën në Ukrainë. Kleriku i lartë iranian vuri në dukje gjithashtu një votë të OKB-së për të hequr Iranin nga Komisioni për Statusin e Grave në përgjigje të asaj që ai pretendon të jetë "shtypja sistematike" e të drejtave të grave dhe vajzave iraniane  dhe tha: "Liria e vërtetë ekziston në sistemin islam dhe vetëm në sistemin islam jeta e grave është një jetë e nderuar dhe dinjitoze islame." Ai tha gjithashtu se SHBA-të i duan gratë si skllave që kanë humbur identitetin dhe kulturën e tyre. “Ata këndojnë sloganin ‘grua, jetë, liri’, që është mashtrues dhe është e qartë se ata synoknë liberaliizmin që është denigrues i jetës dhe  të drejtave të grave,” tha ai, duke iu referuar parullës së famshme të brohoritur në trazirat disamujore në të gjithë vendin.