Borrell dhe Amir Abdullahian takohen në Jordani

Ministri i Jashtëm i Iranit Hossein Amir Abdullahian të martën në margjinat e konferencës Bagdad 2 në Aman, kryeqyteti i Jordanisë, zhvilloi një takim të përbashkët me zyrtarin e politikës së jashtme të BE-së Joseph Borrell.

Në këtë takim, nga të dyja palët u diskutuan çështjet më të rëndësishme në agjendën e Iranit dhe Bashkimit Evropian, veçanërisht kushtet që përcaktojnë negociatat e Vjenës. Në këtë takim, Amir Abdullahian, duke njoftuar gatishmërinë e Republikës Islamike të Iranit për përfundimin e negociatave të Vjenës në bazë të draft paketës së negociatave që është rezultat i negociatave të vështira dhe intensive prej muajsh, këshilloi palët e tjera që të marrin vendimet e nevojshme politike, duke shmangur qëndrimet politike dhe duke mbajtur një qasje konstruktive dhe reale për të shpallur marrëveshjen. Në këtë takim, Joseph Borrell shpjegoi qëndrimet dhe qasjet e muajve të fundit të Bashkimit Evropian ndaj Iranit, si dhe ndaj marrëveshjes JCPOA dhe negociatat bërthamore dhe theksoi vendosmërinë e Bashkimit për të avancuar dhe çuar negociatat e Vjenës drejt një përfundimi.  Borrell në një postim në Twitter ka shkruar:   Ne ramë dakord që duhet të mbajmë hapur rrugën e komunikimit dhe të ringjallim marrëveshjen JCPOA bazuar në bisedimet e Vjenës. Duket se ndryshimi i dukshëm i qëndrimit të Bashkimit Evropian në lidhje me ringjalljen e negociatave të Vjenës ka ndodhur për shkak të stabilizimit të situatës në Iran dhe përfundimit të trazirave dhe zhgënjimit të Brukselit nga vazhdimi i trazirave në Iran. Deri pak ditë më parë, Bashkimi Evropian, së bashku me Shtetet e Bashkuara, theksuan mbështetjen e trazirave dhe vandalizmave në Iran dhe kritikuan veprimet e Teheranit në fushën e stabilitetit dhe sigurisë dhe përballjes me rebelët.  Në këtë drejtim, Këshilli i Evropës të hënën, më 12 dhjetor, në përfundim të takimit të ministrave të jashtëm të BE-së, në një deklaratë i bëri thirrje Iranit që të përmbushë detyrimet e tij sipas ligjeve ndërkombëtare. Gjithashtu, në këtë deklaratë, Këshilli i Evropës ka bërë thirrje Iranit për t'i dhënë fund atyre që i quajti "arrestime arbitrare" të rebelëve. Ky union pretendoi se do të përdorë të gjitha metodat e disponueshme për të ndjekur veprimet e autoriteteve iraniane. Perëndimorët, të udhëhequr nga Shtetet e Bashkuara, që nga nisja e trazirave në Iran kanë organizuar përpjekje të gjera politike dhe propagandistike kundër Iranit, duke mbështetur trazirat dhe duke lënë mënjanë negociatat për marrëveshjen JCPOA, me pretekstin se ishin të pafrytshme dhe për këtë ata u fokusuan tek trazirat. Në këtë mënyrë ata besonin se do të mund të bënin hapa të rëndësishëm në fushën e dobësimit të Republikës Islamike të Iranit.  Në këtë drejtim, Shtetet e Bashkuara, sipas mendimit të tyre, duke shfrytëzuar mundësinë e disa trazirave në Iran, kanë intensifikuar presionet dhe veprimet e tyre kundër Iranit dhe duke nisur një fushatë politike bashkë me partnerët e tyre, kanë anuluar anëtarësimin e Iranit në Komisionin e Kombeve të Bashkuara për femrat. Edhe evropianët morën qëndrime armiqësore kundër Iranit, të cilat, natyrisht, rezultuan me reagimin e fortë të Iranit.  Për më tepër, ministri i Jashtëm i Iranit, në takimin e tij me Borrelin, dënoi qasjen e vendeve perëndimore në mbështetjen e rebelëve dhe vendosjen e sanksioneve të paligjshme kundër Republikës Islamike të Iranit nën pretekstin e rremë për gjoja mbrojtjen e të drejtave të njeriut të popullit iranian. Në fakt, evropianët duan që sistemi i Republikës Islamike të Iranit të mos tregojë asnjë reagim ndaj trazirave dhe vandalizmave, në mënyrë që të hapet rruga për rritjen e paqëndrueshmërisë dhe pasigurisë në shoqërinë iraniane. Bashkimi Evropian gjatë epokës së Bidenit vazhdimisht ka treguar natyrën e tij armiqësore dhe anti-iraniane duke shprehur mbështetjen e tij për trazirat në Iran dhe duke ndërhyrë në punët e brendshme të Iranit. Megjithatë, takimi i Borrelit me Amir Abdullahian në Jordani dhe kërkesa e tij për të ringjallur negociatat për JCPOA tregon zhgënjimin e evropianëve për efektivitetin e qasjes së tyre negative dhe të pafrytshme ndaj Iranit dhe si rrjedhojë kthimin në rrugën e ndërveprimit dhe negociatave me Teheranin.