Kanani: Për SHBA-në dhe Evropën, krimet izraelite në Palestinë 'meritojnë mbështetje'

Zëdhënësi i Ministrisë së Jashtme të Iranit denoncoi të mërkurën hipokrizinë e hapur të Shteteve të Bashkuara dhe aleatëve të saj evropianë për krimet e tmerrshme të kryera nga regjimi izraelit kundër palestinezëve.

Naser Kanaani citoi një zyrtar palestinez që tha se forcat e regjimit sionist vranë 220 palestinezë, plagosën 9,000, arrestuan 6,500 të tjerë, shkatërruan 832 ndërtesa dhe shkulën 13,000 pemë ulliri në vitin 2022. “Nga pikëpamja e Amerikës dhe Evropës, të gjitha këto krime, madje edhe kundër grave dhe fëmijëve, nuk përbëjnë shkelje të të drejtave të njeriut, por meritojnë mbështetje”, shkroi zëdhënësi i Ministrisë së Jashtme të Iranit në një postim në Twitter. Kryeministri palestinez Mohammad Shtayyeh të martën vuri në dukje se forcat e regjimit izraelit në vitin 2022 vranë më shumë se 220 palestinezë në territoret e pushtuara dhe plagosën më shumë se 9,000.