Kanani: Transferimi i Iran International, një "spektakël marionetash"
Zëdhënësi i Ministrisë së Jashtme iraniane Naser Kanani tha se "transferimi i kanalit televiziv terrorist Iran International nga Britania në Shtetet e Bashkuara është një ndarje e punës midis agjencive të spiunazhit të vendeve që sponsorizojnë këtë rrjet".
Kanani i bëri komentet të martën pasi kanali i financuar nga Arabia Saudite njoftoi transferimin e tij në Uashington për shkak të "kërcënimeve të supozuara" nga Teherani kundër gazetarëve të tij me bazë në Londër. “Zhvillimet në lidhje me kanalin terrorist tregojnë se ai mbështetet dhe menaxhohet nga shërbimet e inteligjencës të disa shteteve, përfshirë Britaninë”, tha Kanani për agjencinë e lajmeve Tasnim News. “Historia e transferimit të kësaj media nga Britani në Shtetet e Bashkuara është një ndarje e punës mes shërbimeve të inteligjencës të disa vendeve", shtoi ai. Zëdhënësi i Ministrisë së Jashtme iraniane tha gjithashtu se stacioni televiziv Iran International funksiononte si një "degë operacionale" që provokoi dhe nxiti trazira, pasiguri dhe aktivitet armiqësor brenda Iranit. Ai u jep tribunë elementëve të njohur të terrorizmit dhe grupeve separatiste, shtoi Kanani. "Ne besojmë se transferimi i rrjetit nga Londra në Shtetet e Bashkuara nuk zvogëlon përgjegjësinë e qeverive që e mbështesin atë, në veçanti qeverisë britanike, dhe ky veprim nxit aktivitetet terroriste, separatiste dhe anti-iraniane," tha ai. Naser Kanani më tej këshilloi qeverinë amerikane të marrë në konsideratë përgjegjësitë ligjore ndërkombëtare në lidhje me pritjen e një rrjeti të dhunshëm dhe terrorist dhe shtoi: “Pa dyshim, Republika Islamike e Iranit rezervon të gjitha të drejtat dhe do të ndërmarrë veprimet e duhura".
